Kawe

Kawey sedey bîstem

Ney girtî ye

Pêxemder Isa

Ney hilawîstî ye

Şîxadî tek kiras

Gihorî ye

Siltan sehaq

Bi rengekîdî zindî ye

Kawe ney girtî ye

Kawe qesabê sere zehakîye

***

Xanê lep zêrîn

Li kehla dimdîmê

Sûnt xwarî ye

Filîtê qito

Bi xencera deban

Pêşya faşista girtî ye

Kawe ney girtî ye

Kawe qesabê sere zehakî ye

***

Borê memoy

Qeyda lingê xo

Parçe parçe kirî ye

Pêçolka kurda

Dezbûnka xo bizdandîye

Agirê newrozê

Qişla zehakî sotandî ye

Qazi mehmet

Di haware amide hati ye

Kawey ney girtî ye

Kawe qesabê sere zehakî ye

***

Ehrîmen

Qet çû cara

Min nenasî ye

Duha ya rojê

Min bawîre qebûl bû ye

Kawe ney girtî ye

Kawe qesabê sere zehakî ye

***

Mafê însanî

Serê xo bo min çemandî ye

Peykerê azadîyê

Li emrika rû reş

Xo xapandî ye

Koma Ûno

Civata ehrîmena

Guhêt xo şorkirî ye

Çavêt xo niqandî ye

Kawe ney girtî ye

Kawe qesabê sere zehakî ye

***

Agirê fireydûnî

Ji nû ve

Li serê çiyayên kurdistanê

Gurya wî bilind bû ye

Bejna diwarê amedê

Carekedî

Berz bû ye

Agirê çeqeltû ye

Li lalişa nûranî

Ji nû ve ron bû ye

Kawe ney girtî ye

Kawe qesabê sere zehakî ye

***

Eflatun li komara xo

ne xwedî ye

Eskaender bê nevî ye

Ahoramezda xwedayê zerdeştî ye

Her dem li ser tarîstanê ketiyê

Kawe ney girtî ye

Kawe qesabê sere zehakî ye

***