Dayê

Ve hatme ve welatê xwe

Ve hatime ve

Da rondikêt çavê te

Biwestînim

Girîya te

bikeme kenî

Şîna te

Bi kema zemawend

Çarka serê te rengîn bikem

Kofya serî sipî

Kesk û sor û zer bikem

Şûna girîyê

Girnijîneke delal

Dilê te yê xemgin

Şabikem

***

Ve hatime ve

Şîrê singê te dayê

Li gerdena xo aza bikem

Pişt û berekê

Li gel dengê dihol û zirna

Bi kal û pîrêt gundê xo

Rêk bikem

Navê xemgîn û hiznîya

Ji nasnamêt welatê xo

xic bikem

Ji nûve

Kulîlkêt pawanê te

Ji bin pêlavêt cendirma

Xilas bikem

Qeftkêt gula

Li zehmanêt pîroz

Par bi bikem

***

Ve hatime ve day

Careke dî

Birc û bala amide

Pytextê kurdistanê

Ava bikem

Şûna  her şê stûnêt mehabatê

Qub û hilêla ciwan bikem

Simatekê li girê qoncexê

Li ser kêla qehremanekî

Rûkem û li ser bîst hezar

cangawira belaf bikem

Li ser her ruheke pîroz

Çirayên Lalîsê ron bikem

Ruhên pîroz bi qelenderî

Nav bikem

Lewendiya Miradî û Adoy

tewaf bikem

Careke dî

Zarokêt te

Li kanya sipî

Lalişa nûranî

Mor bikim

***

Ve hatmeve dayê

Cotê çavêt xo

Ji semaye pîroz

Ron bi kem

Bidîtina westa û feqîra

Çawîşa û şkestiya

Têrbikem

Tev fitîlên

Çirayên xas û qelendera

Bi van destên xo

Ron gesh bikem

Agirê çeqeltûyê

Li suka marîfetê

Geş bi kem

Ruha xo

Li ber şibaba qewalî

Û dengê qosa û

bêhna bixûrê

Paqişkem

Zengîn bi kem

Ava furatê

Li çemêt kurdistanê

Par bikem

Welatê rojê

Kurdistana rengîn

ava bikem

Ava bikem

***