Beyta kanya Sipî

Berî ne erd hebû ne ezmane

Qudret û muhbet lêk gerane

Kaniya sipî ji batinda bi xudane

    *            *              *

Ava kaniya sipî qudrete

Mehdere li axretê şefahete

Ferze êqîne loqete

    *         *          *

Ferze ji bo nêr û mêye

Tevaya xulyaqetê erdêye

Hêvênê wê ji xwedê ye

   *        *           *

Mora kaniya sipî fere

Ji bo însanî mehdere

Firwar ji melkê ekbere

   *        *           *

Eve firwara petşaye

Mora kaniya sipaî rewaye

Fere û atqana ezdaye

   *         ^*          *

Ezdaya û petşaye

Petşa li hukmî rewaye

Sêne ferên ezdaye

  *          *            *

 Roj û duha jî ferin

Li gel morê mehderin

Mehderên her û herin

   *      *           *

Mor li kanya sipîye

Rojî bi navê êzîye

Duha fere û heqîye

  *       *          *

Roj bergeha tok nîşane

Rist û simbêl jî erkane

Pê temam dibin îmane

     *        *         *

Pê temam dibit îmane

Xîret ferek girane

Serê hemû ferane

    *       *         *

Mora kaniya sipî fere

Laliş cîkê mehdere

Nûra wê ji her û here

  *     *          *

Ji nûra îlahîye

Mor mora kaniya sipîye

Hêvênê vî erdîye

    *      *       *

Firwar ji ba petşaye

Petşa li gotê rewaye

Li nêr û mêya duhaye

    *         *         *

Nêr mê ji yek darin

Tev ji kaniya zelalin

Dine axretê hevparin

   *        *          *

Ji yek nûrê vejîne

Xûn û goşt lê hûrîne

Teva ji tokê êqîne

   *       *        *

Êqîna me xudaye

Bawirya tev evdaye

Sema her dû nifşaye

     *        *        *

Sê mehwerên îmanê

Gel bawirîyê û atqanê

Tev loqetê û nîşanê

      *         *        *

Nîşan toka ezdaye

Tok diyarîya xudaye

Atqan pê bû rewaye

     *       *            *